Hér verður ekki rætt meira um veðrið...
Vikan byrjaði á sveitaferð sem foreldrafélagið stóð fyrir og var í alla staði frábær. Eftir ferðina ákváðum við að færa fiskana af skilrúminu við listakrókinn og útbúa húsdýravegg. Þar er hægt að sjá hin ýmsu húsdýr, bæi og búalið.
Á þriðjudaginn byrjuðu Fálkarnir á því að mæta í tómstundarskólann við grunnskólann þar sem þau eru með útskriftarbörnunum á Klettaborg og eru í hinum ýmsu verkefnum, t.d fara þau í sund og íþróttir með íþróttakennurum við grunnskólann og í heimsókn á bókasafnið í skólanum. Næsta vika verður með sama sniði hjá þeim.
Við hin sem eftir erum í Uglukletti höfum notið þess að meira pláss er í skólanum á morgnana (fálkarnir koma aftur 11.30) og hefur margt verið brallað.
Sæunn Ósk er komin í fæðingarorlof og Ágústa Óskarsdóttir sem er að útskrifast sem leikskólakennari byrjaði hjá okkur á mánudaginn og bjóðum við hana velkomna til okkar.
Við viljum minna á að þriðjudaginn 7 júní ætla börnin að bjóða ömmum og öfum í morgunkaffi og njóta þess að vera með okkur .
Góða helgi.